اولا كده حسبي الله ونعم الوكيل في النظام التعليمي الفاشل الي عندنا ده…
النهارده كان أول امتحان و كالعاده بيكون عربي بس اللي مش عادي بقى ان داخلين الامتحان ومش عارفين هو هيكون ازاي أو حتى ايه الي هيكون فيه فضلنا بس نشجع بعض ونقول ان شاء الله هيكون كويس بس الحقيقه،،
ان ده اقبح امتحان ممكن اكون مريت بيه اولا كده الشبكه واقعه و التابلت بيتصرف من دماغه بيحل لوحده ويقلب لوحده ويقفل لوحده،،
و كان في سؤال مكتوب مكان لأربع اختيارات بس مكتوبلك خيارين بس و الاثنين غلط حسب القطعه و لما جيت قولت للمراقبه فضلت تقولي اكيد معلق و هيشتغل وبعدين لما لقت ان ده عند الكل فضلت تقول ملناش دعوه واكيد هيحط الدرجه للكل ومكلفتش نفسها ان هي تسأل مدرس زي ماطلبنا،،
كل الي عملته راحت لجنه ثانيه سألت البنات لقتهم زينا و رجعت،،
مش فاهمه ايه التخلف ده وفي سؤال ثاني مكتوب في النموذج بتاعي غلط بس في نماذج ثانيه مصحح صيغه السؤال لأن لو مشيت بالي عندي كل الاجابات تنفع ماعدا واحده…ومعرفتش ان السؤال غلط غير بعد ما خرجت و الامتحان كله عباره عن عايز معاني اول مره نشوفها في حياتنا و حجات متخلفه و النماذج من نفس مستوي الصعوبه ،،
..في نموذج الي حد ما كويس و الثاني زي الزفت وهكذا،،
نفسي كلامي يوصل للمنظومه التعليميه بجد حرام كميه العك دي حرام مجهودنا بتاع طول السنه حرام تعب اهلنا نفسيا و ماديا ومعانا حرام تعب المدرس الي عمله طول السنه يعني ايه امتحان في مستوي عالم لغه،،
يعني ايه امتحان 52 سؤال مفيش منهم غير أقل من 20 سهل و حوالي 5 متوسط و باقي الامتحان زفت يعني ايه فكره التابلت الفاشله هو مش تقليد الغرب و خلاص عايزتقلد،
حط نظام يرضي ربنا طور النت الي زي الزفت أو حتى التابلت بجد مكرهناش التعليم من شويه،،
حسبي الله ونعم الوكيل منقول من طالبة ثانية ثانوي المهم هو فعلا ان التقنيات للامتحان مازالت بليدة و ضعيفة سيبك من انهم خمسيين و لا عشرين سؤال التكنولوجيا مازالت تحبو